Bitcoin whale oo gatay $200M oo Bitcoin ah

Bitcoin whales
  • March 25, 2025
  • Comment 0

Waxaa aad u muuqata in Bitcoin whales-ku ay suuqa soo galayaan kadib markii Bitcoin ay kor u kacday 4% toddobaadii beri ee la soo dhaafay.

Bitcoin whale ama whale haddii aad maqasho waa ganacsadayaasha jeebka weyn leh ee hanti badan maalgashada.

Wallet uu leeyahay ganacsade whale ah ayaa gatay $200 million oo Bitcoin ah kadib markii uu iska iibiyay 11,400BTC bilihii u dambeeyay, isaga oo haddana raba in uu kor u kacan ka faa’idaysto.

Ganacsade Bitcoin oo weyn ayaa ku daray akoonkiisa 2400BTC una dhiganta $200 million March 24keedii, sidaa waxaa ku soo qoray bartooda X arkhaam intelligence oo ah shirkad taxliilisa Blockchain-ka.

Xogta shirkaddu baahisay ayaa sheegaysa in marka laga yimaaddo Bitcoin-ta badan ee uu February iska iibiyay ganacsaduhu in haddadan uu haysto 15,000 BTC kadib marka uu gatay tirada Bitcoin-ta aan soo sheegnay, lacag ahaanna waxa uu haystaa ku dhawaad $1.3 billion.

Ganacsadahan ayaa bilaabay inuu Bitcoin raadsho 5 maalin ka hor kadib markii uu iska iibiyay Bitcoin badan marka uu qiimaheedu u dhaxeeyay $100,000 ilaa $86,000 bishii February.

Xogta CoinGecko ayaa tusinaysa in Bitcoin qiimaheedu gaadhay $104,000 February 1deedii halka uu soo taabtay $78,940 28kii bishaas.

                                                                  Xogasho:- Arkham Intelligence

Dhaqdhaqaaqa ganacsadahan waxa uu yimid kadib marka ay Bitcoin kor u soo kacday.

Bitcoin waxa ay qiimo ahaan u dhaxaysay $81,000 ilaa $88,000 toddobaadkii u dambeeyay, sida uu wargayska CoinGecko sheegay.

Bitcoin whale ka soo kacay hurdo dheer

Sidoo kale ganacsade kale oo whale ah ayaa ka soo kacay hurdo dheer isaga oo suuqa ka maqnaa 8 sano, waxa uuna dhaqaajiyay halmar 3000 Bitcoin una dhiganta $250 million March 22keedii.

Qiimaha Bitcoin-tiisa ayaa ka kacday $3million bilawgii 2017ka gaadhayna $250 million maanta waxa uuna Bitcoin-ta ku xajinayay hal address in ka badan siddeedd sano” Arkham Intelligence.

Sidoo kale shirkad kale oo weyn BlackRock oo ah shirkad maamusha maalgashiyada hadda ahaanna gacanta ku haysa ku dhawaad $11.6 trillion ayaa si joogto ah u urursanaysay Bitcoin toddobaadkii u dambeeyay.

15 dhaqaaq oo ay samaysay shirkaddu waxa ay ku gadatay 4,054 Bitcoin, tani waxay ka dhigaysa Bitcoin-ta ay haysato shirkaddu 573,878 Bitcoin una dhiganta $50 billion, xogtan waxaa sheegtay Bitbo oo ah shirkad la socota Bitcoin dhaqdhaqaaqeeda.

Bitcoin waa cryptada ugu weyn caalamka isla markaana waxaa u hanqal taagaya dhammaan jeebweynta suuqa crypto iyo maalgashadayaasha kaleba.

Muddooyinkan dambena waxa aan aragnaa in kor u kac ku socdo aadna loo gadanayo, adiga oo fiirinaya xogta aan kor ku xusnay ma kuula eegtahay in Bitcoin diyaar u tahay inay jabiso qiimahii u korreeyay ee ay gaadhay?

Fadlan fikirkaaga nagula wadaag qaybta faallada.

Our Courses

  • Cryptocurrency Course bilaw ilaa dhamaad.
  • Forex Trading A-Z Af-soomaali
  • Website Design WordPress.
  • Cisco Certified Network Associate (CCNA 200-301)
  • Dropshipping Mastery Course
  • Somali alibaba Online Course
  • MongoDB No-SQL Database
  • Ultimate react JS course
  • HTML and CSS beginner to advanced Course
  • Video Editing in CapCut Desktop + Mobile.
  • Facebook Ads (Digital Marketing).
  • Somali Alibaba Online Course.
  • Git and Github Course
  • Modern Javascript master Course
  • Graphic Design Course.
  • Basic Computer and Office  Mastery.
  • Premiere Pro (Video Editing).
  • Python for beginners
  • Blogging & Monetisation(WordPress).
  • E-commerce Course.
  • Tailwind CSS modern Course.
Our Services
  • Website Design
  • Business Consulting
  • Digital Marketing

Leave a Reply

Your email address will not be published. Required fields are marked *

×