Xubnaha Uu Ka Kooban Yahay Ganacsiga E-Commerce-Ga (Ganacsiga Elektaroonigga Ah)
Tan iyo markii ay bilaabmatay isticmaalka Internetka ilaa iyo maanta, dunida waxaa ka dhacay isbedelo baaxad weyn leh, gaar ahaan habka wax-is-weydaarsiga badeecadaha iyo adeegyada.
Suuqyadii maxalliga ahaa waxa ay isu rogeen suuqyo casri ah oo si xawli ah uga socda caalamka, maanta waxa aad wax kasta ku iibsan kartaa online-ka adigoo gujinaya badhanka talefankaaga ama kombayutarkaaaga. Internetku, waxa uu noqday qayb ka mid ah nolol maalmeedkeena.
Ganacsiga e-commerce-ga ah waa nooc ka mid ah ganacsiyada caadiga ah ee aynu naqaano ee ku salaysan wax kala bedeleshada, kaas oo dhamaantii ka dhex dhaca internetka-dhexdiisa, badeecadaha iyo adeegyada lagu bedelenayo lacagta waxay noqon karaan kuwo la taaban karo iyo kuwo aan la taaban karin, wax kala bedeleshadaasna waxaa fududeeya website-yada, iyo Apps-yada, iibsadayaashuna waxay wax iibsan karaan, iyagoon u baahanin inay meesha ay wax ka iibsanayaan jir ahaan u joogin.
Ganacsiga e-commerce-ga ah wuxuu u taagan yihiin inuu fududeeyo hab-isweydaarsiga macluumaadka, badeecadaha, adeegyada, iyo lacag-bixinta maaliyadeed.
Ganacsiga E-Commerce-Ga Ah Si Guud Wuxuu Ka Kooban Yahay:
Macmiilka: Waa macaamiisha raba inay ku iibsadaan badeecadaha iyo adeegyada online-ka ah, si waafaqsan dookhooda iyo danahooda gaarka ah.
Iibiyaha: Waa milkiilayaasha dukaamada online-ka ah ee raba inay iibiyaan alaabtooda iyo adeegyadooda iyagoo adeegsanaya internet-ka.
Alaabooyinka Iyo Adeegyada: Waa badeecado iyo adeegyo, kuwaasoo noqon kara wax la taaban karo iyo wax aan la taaban karin (digital iyo physical), iyadoo la iibsan karo 2-da nooc ee ay u qeybsamaan badeecaduhu (digital iyo physical), loona diri karo iibsadihii.
Kaabayaasha: waa qalabada, aaladaha, software-rada, shabakadaha, iyo website-yada uu u baahan yahay dukaanka online-ka ah.
Dhexdhexaadiyeyaasha: waa qolada isu keenta iibiyeyaasha (oo ah milkiilayaasha dukaamada online-ka ah) iyo iibsadayaasha (oo ah macaamiisha), si gaar ahna iibiyayaaha u kaabata, sida Amazon FPA, eBay, iyo AliExpress, iyagoo iibiyeyaashu ay soo bandhigi karaan badeecadahooda, iibsadayaashuna ay baadhi karaan oo ay iibsan karaan alaabta ama adeega ay rabaan inay iibsadaan.
Shuraakada: waa qolo lala xidhiidho oo lala shuraakoobo, hadii uu ganacsiga e-commerce-ga ah u baahdo, iyagoo qabanaya hawlgaladan kala ah: packaging-ka, daabacaadda, raridda noocyadiisa kala duwan haday noqon lahayd rarid cirka ah, rarid badda ah, iyo rarid nulka ah.
Qaybaha Dambe: Kuwaas oo ka mid ah hawlaha la xidhiidha ururinta macluumaadka macmiilka, ilaalintooda, maaraynta badeecadaha, maaraynta wax iibsiga, maaraynta hababka lacagaha wax iibsiga, packaging-ka, dhoofinta, iyo si guud u adeegidda macaamiisha.
Isku soo wada duub, hadii aad si dhab ah u rabtid barashada ganacsiga iyo ka shaqaynteedaba waxaynu kuu diyaarinay koorso dhamaystiran, tasood ku baran doontid ganacsigan bilaw ilaa dhamaad.
Waxayna koorasani ku dhawaad gaadhaysaa ilaa 50 video, oo isugu jira Theory, Practise, iyo Presentation, kuwaas oo gacan weyn ka gaysanaya fahamka iyo ka mirodhalinta ganacsigan e-commerce ahi, adigoo awood buuxda u yeelan kara marka aad dhamaysato koorsadani inaad ganacsi kuu gaar ah bilaaban karto.
Hadii aad danaynayso koorsadan waynu kugu soo dhawaynyanaa, iskuna diyaari inaad dhaqaale ahaan madax-bannaanaan doonto –eebe idamkii- Yaa naga mid ah oo doonayya inuu gaaro madax-bannaani dhaqaale?
Ha Ka Waaban Inaad Nagala Soo Xidhiidho Whatspp Lambarkan: +252-90-5582875 Ama WhatsApp Link-Gan: https://wa.link/Zjb442, Ama aad gujjiso badhankan hoose.
