Data Analysis: Xirfad Ay Baahideedu Sii Kordhayso

Dunidu marba marka ka danbaysa way sii dhijitaal garowbaysaa, xogtuna ama data-du waa lafdhabarta ama mid ka mid ah tiirarka ugu weyn ee dhijitaalnimada qeyb ka ah.

SIdaa darteed, waxaa sii kordhaya baahidii loo qabay qofkii xogta ururin lahaa, isku-duwa ridi lahaa, falanqayn lahaa, kadibna ka dhigi lahaa xog lagu go’aan qaato.

Waana waxa loo yaqaan falanqaynta xogta, ama data analysis, waana xirfad maanta baahideedu sii kordhayso, iyadoo ay ugu wacan tahay dhijitaalnimada iyo kacaankan cusub ee AI-da, maadaama ay AI-du u baahan tahay xog lagu tababaro.

Waa Maxay Data Analysis?

Data analysis waa geeddi-socodka lagu ururiyo, lagu shaandhaynayo, laguna falanqeeyo xog, si looga dhigo mid keensanaysa in lagu go’aan qaato, taasoo ganacsatada ama dawladaha amaba cidkasoo dan gaar ah ka leh xogtan u ogolaanaysa:

• In ay ogaadaan halka ay cilladu ama nuqsaantu ka jirto
• In ay ogaadaan sababtii keentay cilladan ama nuqsaantan
• In ay qaataan go’aano caqliyaysan, midsna xog ku salaysan, si ay u xalliyaan cillada ama nuqsaanta jirta

Sababaha Ay Xirfaddan (Data Analysis) Baahideedu U Sii Kordhayso

1. Xogta Oo Aad U Badatay

Dunidu waxay soo saartaa in ka badan 300 quintillion bytes oo xog ah maalin kasta. Xogtan waxaa laga aruurinayaa baraha bulshada, e-commerce, apps, iyo aaladaha smart-ga ah ee internet-ka ku xidhan. Sidaas darteed, waxaa jira baahi sii badanaysa oo loo qabo dad xogtaas kala saari kara oo micno u yeeli kara.

2. Go’aan Qaadashadii Oo Fududaatay

Shirkado badan ayaa hadda diiradda saaray Data-driven Decision Making, taasoo micnaheedu yahay in go’aamada ganacsiga lagu saleeyo xogta rasmiga ah, halkii lagu salayn lahaa dareen iyo waan u maleeyay iyo way badan tahay, iwm.

3. Dhinacyada Kala Duwan Ee Ay Soo Gashay

Data analysis kaliya kuma koobna tech, ama waxyaabaha la xidhiidha tegnoolajiyadda, ee waxaa sidoo kale loo adeegsadaa caafimaadka, waxbarashada, maamulka, suuqgeynta, iyo xitaa siyaasadda, taasoo kordhinaysa baahidii loo qabay.

Xirfadaha aasaasiga ah ee looga baahan yahay qofka raba inuu barto Data Analysis-ka

• Excel & Google Sheets
• SQL (Structured Query Language)
• Python ama R
• Data Visualization Tools
• Critical Thinking & Problem Solving

Hadii aad rabtid inaad baratid Data Analysis, ugu horrayn baro aasaaska xogta, sida loo aruuriyo, loo kaydiyo, loona habeeyo, iyadoo la adeegsanayo Microsoft Excel ama Google Sheet.

Qaado koorsadan hoos kaaga muuqata ee “Microsoft Excel for Data & Business Analytics“, hadii aad rabtid inaad baratid Data Analytics, iyadoo la adeegsanayo Microsoft Excel⬇️.