Fiiro gaar ah: marka aynu leenahay dakhli joogto ah, ama passive income waxaynu ula jeednaa dakhli si joogto ah bishii ama 3-dii biloodba ama sanadkii la helayo, ee ulama jeedno dakhli buuran.

Inaad $10 bil kasta hesho waa dakhli joogto ah, hasa yeeshee inaad kumanaan iyo boqolaal doolar hesho waa mid kaaga baahan dadaal iyo wakhti badan, mararka qaarna lacag, sidaa darteed yaanan isku khaldan, dakhliga joogtada ah waa dakhli aad si joogto ah u helayso, iyadoon loo eegaynin qaddarka aad helayso.

2.  Nuxur Curin (Content Creation)

Content creation-ku waa hab aad u fudud, maxaa yeelay bilawga hore kharashaad badan uma baahna, sidoo kalena hal mar oo qudha ayaad abuuraysaa ama curinaysaa nuxurkii, dakhli joogto ah ama passive income baanad ka helaysaa, waxaana ka mid ah:

• Youtube Channel: furashada kanaal youtube, ayaa sidoo kale ah hababka ugu fudud ee passive income-ka, adigoo hal mar muuqaalka samaynaya, balse hadii uu aad u faafo, ay suuragal tahay inuu dakhli joogto ah ku siiyo bil kasta, adigoo hada hal mar kaliya sameeyay
• Blogging: inaad soo daabacdo qormooyin iyo maqaalo kala duwan oo micno leh, waxay kuu ogolaanayaan inaad dakhli joogto ah hesho bishii, iyadoo ku xidhan haddba waxa aad ka hadlayso, iyo sida aad ugu hadasho.
• E-book/Online Courses: waa inaad soo saarto ama aad qorto buug ama koorso bulshada wax tar u leh, dhib haystana ka xallinaysa, kadibna aad iiib gayso, sidaasina aad ku hesho dakhli joogto ah, maxaa yeelay mar qudha ayaad samaynaysaa.

3.  SaaS – Software as a Service

Saas waa hanaan ganacsi oo aad ugu habboon shirkadaha doonaya inay bixiyaan software-ro ay isticmaalayaashu si fudud u heli karaan, iyadoo la adeegsanayo Cloud-ka, waana nooc ka mid ah ganacsiga, kaasoo dhowrkii sano ee u danbeesay aad u faafayay.

“SaaS” waxay u taagan tahay “Software as a Service”, waa ganacsi ku salaysan rukumasho (subscription). Waana in ay shirkaduhu softwares-rooda iyo applications-yadooda qaab adeeg ahaan u bixiyaan.

Hadii aad taqaano coding-ka ama programming-ka, isla mar ahaantaana ay maskaxdaada ku jirto fikrad aad u rogi karto adeeg si bille ah loogu rukumanayo, waxay tani kuu noqon kartaa isha dakhli ee aad ku taajiri lahayd, ee aad maalqabaynka ku noqon lahayd.

Hadiise aanad aqoonin coding-ka oo aad rabto inaad barato, qaado koorsooyinada hoose, ee la xidhiidha programming-ka, adigoo mid waliba u tixgalinaya baahidaada ⬇️.