Cloud Computing: Dhanka Loo Sii Jeedo

Teknolojiyaddu waa mid si xawli ah ku socota, waxaana markasta soo baxaya adeegyo cusub oo nololmaalmeedkeena ka dhigaya mid fudud, hufan, oo si weyn ula jaanqaadaya dunida digital-ka ah.

Mid ka mid ah hal-abuurka ugu weyn ee xilligan waa Cloud Computing, oo tiir muhiim u ah kaydinta xogta barnaamijyada online-ka ah, iyo horumarinta ganacsiga casriga ah.

Waa Maxay Cloud Computing?

Cloud Computing: Waa hab cusub oo lagu kaydiyo xogta, iyadoo la adeegsanayo kumbiyuutaro dhijitaal ah, halkii la adeegsan lahaa server-ro ama kumbiyuutaro physical ah.

Tusaale ahaan, mar kasta oo aad isticmaalayso Google Drive, Dropbox, ama Microsoft 365 — waxaad adeegsanaysaa Cloud.

Cloud wuxuu u taagn yahy daruur, taasoo loola jeedo kumbiyuutaro hawada ku jira, laakiin sida dhabta ah waa kumbiyuutaro xaruumo waa-weyn yaalaan oo loo yaqaan (Data Centers), oo ay leeyihiin shirkado waa-weyn, sida: AWS, Google Cloud, Microsoft Azure, kuwaasoo saldhigoodu qaaradaha kala duwan ku baahsan yahay.

Adiga ka shirkad ama ka ganacsi ama ka dawlad ahaan, halkii aad soo iibsan lahayd keyd (Storage), ama kumbiyuutar aad si lockly ah ugu kaydiso xogta, taasoo kharash badan ay kaaga bixi lahaayeen, waxaad kiraysanaysaa qeyb ka mid ah Storage-yada waa-weyn ee shirkadaha, halkaas oo aad ku kaydinayso xogtaada.

Fiiro gaar ah, xogtu hadii ay tahay mid xassaasi ah, sida xog ku salaysn ciidan ama dawlad ama wixii la mid ah, laguma taliyo in Cloud Computing lagu kaydiyo, waayo waa xog xassaasi ah, hadii ay cid kale gacanta u gashana waa khatar. 

Noocyada Cloud Computing-ka

1. IaaS (Infrastructure as a Service)
2. PaaS (Platform as a Service)
3. SaaS (Software as a Service)

Faa’iidooyinka Cloud Computing-ka

• Si fudud loo gaari karo: maadaama ay ku xidhiidhsan yihiin internet-ka, waxaa fudud in si goor kasta iyo goob kastaba oo internet leh laga heli karo.

• Aad u kharash jaban: Cloud Computing aad buu ugu kharash yar yahay, markii loo eego kumbiyuutar ama keyd caadi ah, kaasoo waliba aad ku jaangoyn karto baahidaada inta ay le’eg tahay.

Xirfadaha La Xiriira Cloud Computing-ka

Haddii aad rabto inaad barato cloud computing, ka bilaw:

• Platforms: AWS, Microsoft Azure, Google Cloud Platform
• Barnaamijyada: Linux, Docker, Kubernetes, Terraform
• Shahaadooyin: AWS Certified Solutions Architect, Google Cloud Associate, Microsoft Azure Fundamentals
• Xirfado kale: DevOps, Network Security, Automation tools

Fursadaha Shaqo Ee Ka Bannaan Cloud Computing-ka

• Cloud Engineer
• Cloud Architect
• DevOps Engineer
• Cloud Security Specialist
• Data Engineer (cloud-based)

Mushuaharka shaqooyinkan waxay gaari karaan $70,000 – $150,000+ sanadkii, iyadoo ay ku xiran dalka uu qofku ka shaqeeyo, waayo-aragnimadiisa shaqo, iyo heerka xirfadiisa.

Daraasado badan ayaa muujinaya in adeegyada cloud-ka ay sii noqon doonaan laf-dhabarta ganacsiyada digital-ka. Teknoolajiyado cusub sida AI, Web3, Quantum Computing, iyo Edge Computing waxay ka qeyb qaadan doonaan kordhaka sii ballaadhanaya ee Cloud Computing.