• Moha25
• 2 Comments
• December 14, 2022

Waa Ayo Dadka Aad Beegsanayso?

Mashruuc kastaa waxaa lama huraan ah inuu la kulmo caqabado iyo dhibaatooyin kala duwan oo u gaar ah, Haddii aad tahay ganacsade, waxaan shaki ku jirin in qeexida dadwaynaha aad beegsanayo ay tahay mid ka mid ah caqabadaha ugu horreeya ee ay tahay in la xalliyo. Waayo shacbku waa sababta jiritaanka mashruuc kasta.

Waa Maxay Dadka La Beegsanayo?

1. QEEXIDA 1 Dadwaynaa la beegsanayo waa tirakoobka dadka ay u badan tahay inay xiisaynayaan badeecada ama adeegga shirkadda.
2. QEEXIDA 2 Waa koox ka mid ah dadka aad u soo saarto alaabtaada iyo adeegyadaada. Erayada kale ee loo isticmaalo in lagu qeexo kooxdan waa ‘suuqa bartilmaameedka’ iyo ‘macmiilka bartilmaameedka’.
3. QEEXIDA 3 Dadwaynaha la beegsanayo waa qaybta uu ganacsigaagu ku salaysan yahay, ololahaaga suuqgeyntuna waxa ay diiradda saarayaan guud ahaan, taas oo milkiilaha ganacsigu uu uga faa’iidaysto dadwaynahan maskax ahaan diyaar u ahaanshaha iyo awoodda ay u leeyihiin inay iibsadaan, si ay ugu qanciyaan inay ka jawaabaan adeegyada la bixiyo.
4. QEEXIDA 4 Dadwaynaha la beegsanayo waa koox dadka ka mid ah oo loo aqoonsaday inay yihiin macaamiil ganacsi, Dadwaynaha la beegsanayo waxay wadaagaan sifooyin bulsho oo isku mid ah oo ay ku jiraan, Tusaale ahaan laakiin aan ku xaddidnayn:

• • • Da’da.
    • Jinsiyada Lab/Dhadig.
    • Goobta.
    • Aqoonta.
    • Xaalada Bulsho Iyo Mid Dhaqaale.

Ku qeexida dadwaynaha bartilmaameedka ah ganacsi ahaan waxay kaa caawin kartaa sameynta xeeladaha suuq-geynta iyo aqoonsiga macaamiishaada aasaasiga ah, Halkii aad ku bixin lahayd lacag iyo agab isku day inaad la kulanto baahiyaha macaamiil kasta, qeexida dadwaynaha bartilmaameedka ah waxay u oggolaanaysaa xidhiidh ula kac iyo mid shakhsi ah oo dheeraad ah oo lala yeesho kuwa ay u badan tahay inay iibsadaan alaabtaada ama adeeggaaga.

Hadafka halkan waa in la beegsado, lana soo bandhigo oo lagu wada xidhiidho suuqa dhexdiisa oo ay ku jiraan koox shakhsiyaad ah oo wadaaga heerka waxbarasho, hadafka, danaha iyo caqabadaha, oo leh baahi guud ama rabitaan badeecadaha ama adeegyada ay bixiso shirkaddaada.

Caadi ahaan, xogta loo isticmaalo in lagu go’aamiyo dadwaynaha la beegsanayo waxaa ka mid ah:

• • • Da’dooda.
    • Jinsiyadooda Lab/Dhadig
    • Asalka waxbarasho.
    • Xaalad bulsho.
    • Goobta
    • Caadooyinka macaamiisha.
    • Danaha gaarka ah iyo caqabadaha.

Haddba Aynu Tusaaleeno:

Tusaale ahaan, Hadii waxaa jirta shirkad soo bandhigda ciyaaraha waxbarashada carruurta, waxaa shaki la’aan in dadwaynahooda bartilmaameedka ah ay yihiin carruurta, hooyooyinka, takhasuska waxbarashada iyo macalimiinta.

Sidoo kale haddii shirkaddaadu ay bixiso adeegyada naqshadaynta garaafyada, iyadana waxaa shaki la’aan ah in dadwaynaha bartilmaameedka ah ay yihiin milkiilayaasha ganacsiga, mashaariicda, iyo suuqgeynayaasha, da’doodu ka weyn tahay 18 jir.

Ogsoonow in aan ka hadlaynay dadka la bartilmaasanayo (Target Audience) ee ka maan hadlayan suuqa la bartilmaasanayo (Target Market).

Farqiga U Dhexeeya Dadwaynaha Bartilmaameedka Ah (Target Audience) Iyo Suuqa Bartilmaameedka Ah (Target Market).

Erayga bartilmaameedka suuqa waxa loola jeedaa koox dad ah oo wadaaga sifooyin iyo hab-dhaqan ay shirkaduhu ku bar-tilmaameedsadaan xeeladahooda suuq-geyneed.

Suuqa la beegsanayo waa kooxda macaamiisha ah ee ay shirkadu qorsheynayso inay ka iibiso ama ku gaadho hawlo suuqgeyneed.

Dadka Aad Beegsanayso  waa kooxda ama qayb ka mid ah suuqa la beegsanayo ee xayaysiisyada loogu adeego. Tani waxay ka dhigaysaa dadwaynaha bartilmaameedka ah qayb gaar ah oo ka mid ah suuqa bartilmaameedka.

Talaabada ugu horeysa ee lagu aqoonsanayo dadwaynaha saxda ah waa in marka hore la qeexo suuqa saxda ah ee la beegsanayo, tani waxay aasaas u tahay talaabooyinka xiga waxayna dadaalkaaga ku hagaysaa meesha saxda ah.

Habka qeexida suuqa bartilmaameedku wuxuu ku bilaabmayaa in la baaro tartamayaasha, ka dibna la raaco oo la ogaado sifooyinka iyo dabeecadaha ka dhexeeya iyaga, iyo ugu dambeyntii go’aaminta sifooyinka tirakoobka, siday u kala horreeyaan.

Sii Daalaco: Waa Maxay Faraqa U Dhexeeya Suuqgeyninta Iyo Iibinta?

Sidoo Kale: 6 Side Husltes oo aad $1000 ka shaqeysan kartid