Mustaqbalka Bitcoin

Muddadan dambe waxaa aad loo dareemaa in suuqa crypto uu dhinacba u dhaqaaqi la’ yahay, taas oo dad badan ku ridday quus iyo jaah wareer.

Bitcoin in ay kasoo laabato meesheedi u sarraysay oo ay January gaadhay ma aha wax ka baxsan waxi looga bartay Bitcoin, iyada oo la filayo in qiimo intaa ka badan ay gaadhi doonto mustaqbalka.

Taxliiliye Ben Simpson ayaa u sheegay wargayska Cointelegraph in uunan u malaynayn inuu dhammaaday kor u kacii Bitcoin, balse waa soo laabasho ay sababtay dhacdooyinka waaweyn ee caalamiga ah oo aan u hiillinayn cryptada

Bitcoin waxa ay ku jirtaa soo laabasho la filayay

” Waa soo laabashadii saddexaad ama afraad ee u weynayd marka la eego 25% soo laabashooyinka aan ku soo aragnay Bitcoin marka la barabardhigo 12kii cycle(dib ayaan ugaga warrami doonna maqaalka dambe) ee aan soo dhaafnay“ Ben Simpson .

Bitcoin waxa ay hoos uga soo degtay 24% meeshii u sarraysay ee ay gaadho, maadaama aan la filanayn cashuuraha uu Trump soo rogay iyo mustaqbalka xadka ribada ee dawladda Maraykanka, balse Simpson waxa uu ku daray ” waa soo laabasho caadi ah”.

” Dhacdooyinka ayaa aad u kululaaday, waxaa loo baahan yahay inay degaan isla markaana Bitcoin ay hesho sees ay ka kacdo iyo wax sabab u noqda kacitaankeeda” ayuu ku daray Simpson.

                      Bitcoin waxay hoos u dhacday 13.58% bishii u dambaysay xigasho:- CoinMarketCap

Aasaasaha shirkadda Deriv Nick Forster ayaa isna sheegay aragti la mid ah tii Ben isaga oo yidhi ” waa soo laabasho caadi ah, qiimo intaa ka sarreeyana Bitcoin waa gaadhi doontaa“.

“ Taariikh ahaan Bitcoin waa ay samaysaa soo laabashadan marka ay rabto inay si fiican kor ugu kacdo, ma jirto sabab aan ugu malayno inay markan ka duwan tahay” ayuu raaciyay.

Kadib doorashada Trump ee bishii November, Bitcoin waxay kor u kacday 36% bil gudaheed, iyada oo gaadhayna $100,000 December dhaxdeeda, hadda ahaanna Bitcoin waxa ay joogta $83,254 sida Binance sheegayo.

Balse Forster waxa uu ku daray, nasiibka Bitcoin loogu rajayn lahaa kor u kac 6da bilood ee soo socota waxa uu aad ula mid yahay kan suuqyadii hore ee digital-ka ahayn sida dahabka iyo Silverka.

Bitcoin qaabka ay socoto laga yaabaa inay degdeg jihada u beddelato

Simpson ayaa yidhi sababta dambe ee Bitcoin kicin doonta waxa ay ag-wareegaysaa hoos u dhigga xadka ribada ee u soo saari doono Maraykanku, hoos u dhiggaas oo fududayn doona lacag suuqa gasha taas oo lacagta adduunka taalla biirin doonta.

Sidoo kale waxaa ka hadlay maamulaha CryptoQuant ki Young Ju isaga oo sheegay in kor u kaca Bitcoin ee xilligan dhammaaday.

“ Waxaan filayaa 6-12 bilood oo hoos u dhac ama wareegaysi ah inuu suuqu sameeyo” Ju ayaa yidhi.

Our Courses

• Cryptocurrency Course bilaw ilaa dhamaad.
• Forex Trading A-Z Af-soomaali
• Website Design WordPress.
• Cisco Certified Network Associate (CCNA 200-301)
• Dropshipping Mastery Course
• Somali alibaba Online Course
• MongoDB No-SQL Database
• Ultimate react JS course
• HTML and CSS beginner to advanced Course
• Video Editing in CapCut Desktop + Mobile.
• Facebook Ads (Digital Marketing).
• Somali Alibaba Online Course.
• Git and Github Course
• Modern Javascript master Course
• Graphic Design Course.
• Basic Computer and Office  Mastery.
• Premiere Pro (Video Editing).
• Python for beginners
• Blogging & Monetisation(WordPress).
• E-commerce Course.
• Tailwind CSS modern Course.

Our Services

• Website Design
• Business Consulting
• Digital Marketing