Xirfadaha AI-da Hoos Timaada
AI-du waa mid ka mid ah tignoolajiyadihii ugu muhiimsanaa, haatanna ugu muhiimsan ee abid taariikhda aadahana soo maray, kaasoo wax ka bedelay habka aynu u shaqayno, wax u barano, iyo si guudba u noolaano.
AI-da ayaa si dhakhso leh ugu dhex faaftay qaybo badan oo nolosheena ka mid ah, laga bilaabo tacliinta, shaqooyinka, dhaqaalaha, ilaa cafimaadkii, oo haatan Robot-yo qaar oo AI-da ku shaqeeyo qaliino fuliyaan.
Maadaama ay AI-du haatan noqotay mid ka mid ah tiirarka ugu muhiimsan ee tignoolajiyada, waa muhiim inaynu ogaano, misna fahan guud ka qaadano xirfadaha iyo aqoonta hoos timaada AI-da, anagoo xusi doona kuwooda ugu muhiimsan wakhti xaadirkan.
1. Machine Learning
Machine learning-ku waa qayb ka mid ah AI-da, oo si iskeed ah wax isu barta, go’aanana u qaadata, iyadoo go’aankeeda ku salaysa xogihii lagu tababaray, iyo kuwii ay si iskeed ah isugu tababartay.
Tusaale, nidaamyada email-ka bixiya, sida Gmail ayaa isticmaala machine learning, si ay u kala saaraan email-lada spam-ka ah iyo kuwa aan ahayn, iyagoo raadinaya astaamo ama tilmaamo ay email-lada spamka ah badankood ka wada siman yihiin, sida erayada la adeegsado, link-yada ama URL-yada la adeegsado, qaab qoraalka, iwm, iyagoo ugu danbayntii go’aamiya email-kan hadii uu spam yahay iyo hadii kaleba.
Waxaana habkan loo yaqaanaa “Email Spam Filtering”
2. Deep Learning
Deep Learning (Barashada Qotada-dheer) waa farac ka mid ah Machine Learning-ka (ML), kaasoo loo adeegsado in lagu xalliyo dhibaatooyinka ad-adag, sida aqoonsiga hadalka, kala soocidda sawirada isku dhaw-dhaw, turjimaanimada luqadaha ee degdeg ah (Real Time), iwm.
3. AI Engineering
Waa xirfad koobsanaysa xirfado badan oo kala duwan, oo ay ka mid yihiin, AI-da, Programming-ka, Xisaabta, Maaraynta, iwm, waana xirfad u baahan xirafdo kale oo xoogan
Si guud, waa dhisidda, dayac-tirka, maaraynta, hormarinta, cilad-bixinta, isku-xidhka nidaamyada AI-da.
AI Engineer: Waa qof dhisi kara nidaam AI ah, misna nidaamyo kale ku xidhi kara, misna deployment ku samayn kara, sidoo kalena scaling ku samayn kara, performance-ga kor u qaadi kara, maamuli kara, maareen karana.
Sidoo kale waxaa jira xirfado kale oo hoos yimaada AI-da, waxaana ka mid ah, kuwan soo socda, inagoo kaliya qodobaynayna:
- Natural Language Processing (NLP)
- AI Ethics and Governance
- Data Science
- Computer Vision
- Robotics
Gabagabadii
Xirfadaha hoos yimaada AI-da ayaa ah xirfado muhiim u ah mustaqbalka xirfadaha shaqo, iyagoo qaar ka mid ah durbadiiba is-bedelo ka gaysteen suuqii shaqada.
AI-da ayaa laga yaabaa inay horseeddo shaqo la’aan ba’an, iyadoo haadan lafteedu lumisay shaqooyin badan, oo u badnaa kuwa soo noq-noqda, ee aan dadaalka maskaxeed iyo hal-abuurnimada u baahnayn.
Si kastaba ha ahaatee, wali waxaynu joognaa bar bilawga kacaankan AI-ga ah, mustaqbalkiisuna aan si wacan loo saadaalin karin, laakiin sida muuqata waa tignoolajiyad wax badan oo badan oo badan adduunyadan ka bedeli doonta.
Abdikariim Abdullahi Hirsi
Waxaan ahay arday inan wax faaideso to aan diyar u ahay lakiin wax aan wax ku barto oo lacag ah mahesto
Ee ustaad inaad itagerto u bahanahay🙏❤️