3. Internet of Things (IoT)

IoT ama Internet of Things waa marka ay adeegyada iyo aaladaha aynu isticmaalno, sida TV-ga, Albaabada, Kabadhada, Qaboojiyaha, iyo si guud qalabada aynu isticmaalno laga dhigo kuwo “Smart – Caqli Badan”, oo internet-ka ku xidhan.

Hadii ay wax walaba ku xidhnaadaan internet-ka, waxaa markaa iyada ah la filayaa in ay wax waliba si iskood ah u shaqayn doonaan, taasoo keenaysanaysa in ay noloshii fududaato, oo aysan faragalin bini’aadameed u baahan.

4. Augmented Reality (AR) & Virtual Reality (VR)

AR ama VR, waxay wax ka bedeli karaan habkii wax loo baran jiray, loo ciyaari jiray, wax loo daawan jiray, iyo xittaa loo dukaamaysan jiray, maadaama aad u muuqato inaad si dhab ah wax u qabanayso.

AR ama VR amaba aynuba nidhaahno muyaaradaha casriga ah, waa muraayado kuu suuragalinaya inaad ku noolaato nolol aan jidh ahaan u jidhin, hasa yeeshee male-awaal ahaan u jirta.

Waana aalad kuu ogonaalaysa inaad tagto, oo aad u safarto meelo aanad waligaa tagin.

5. 5G Technology

Teknoolajiyada 5G waa mid ka mid ah fure-yaasha ugu muhiimsan, ee keensanaysa in is-bedelo waa-weyn ay dhashaan.

Waa udub-dhexaadka tignoolajiyadaha, maadaama ay tignoolajiyadu u baahan tahay isgaarsiin xawaare sare leh, oo aan hakad lahayn, si ay ugu danbayntii aaladaha IoT, AR/VR iyo AI-da ay si hufan iskula shaqeeyaan.

6. Robotics & Automation

Robots-yada iyo mashiinnada otomaatiga ah waxay bedeli doonaan shaqooyinkii caadiga ahaa, ee aan mararka badan u baahnayn hal-abuurnimada.

Roboticis iyo Automation, waa hab lagu dardar-galinayo shaqooyinkii, loogana dhigayo kuwo automatic ah, oo si iskood ah u qabta shaqooyinka, iyadoo la adeegsanayo mishiino, iyo barnaamijyo AI ah.

7. Quantum Computing

Kumbiyuutarada Quantum-ka waxay wax u xisaabin karaan si ka awood badan kuwa hadda jira ee caadiga ah. Waxa ay xallin karaan dhibaatooyin aad iyo aad u adag oo xitaa saynisyahannadu aysan xalin karin.

Waa kumbiyuutaro awoodoodu qayrul macquul tahay, oo xalin kara dhibaatooyino ay xallintoodu sida caadiga ah qaadan lahayd tobaneeyo sano.

8. 3D Printing

Daabacaadda 3D-ga ayaa ah daabacaad is-bedelo waa-weyn ku samayn kara warshadaha wax-soo-saarka.

Maxaa yeelay qalabo badan iyo aalado badan iyo xittaa cuntooyinka qaar ee aynu cuno ayaa waxaa suuragal ah in 3D ahaan loo daabaco.

Waa wax aan suuragal u muuqan saw mahan?

Laakiin run ahaantii waa dhab, waxaana wakhti xaadirkan jira tusaalooyino qaar, oo ina tusanaysa in ay suuragal tahay, hasa yeeshee, kharashka ku baxaya ayaa badan.

9. Web 3.0

Jiilka saddexaad ee Internetka ama Web 3.0, waxaa lagu tilmaamaa inuu yahay mustaqbalka Internetka, waa internet baahsan oo madax-banaan, oo dimuqraadi ah, oo ku salaysan mabda’a Peer-to-Peer oo loo soo gaabiyo P2P.

10. Cybersecurity

Maadaama ay tignoolajiyadu sii kobcayso, oo ay sii kordhayso, wax walibana ay dhijitaal noqonayaan, waxaa lama huraan ah in la amni galiyo xogahaas, lana ilaaliyo.

Waana sababta ugu weyn ee keensanaysa in Cybersecurity muhiim u noqdo is bedelada dhacaya.

Gabogabadii

Qof kasta oo raba inuu qayb ka ahaado isbedelada dhacaya, waxaa ugu horrayn lama huraan ah in uu aqoon u yeesho, oo uu fahmo tignoolajiyadahan cusub, muhiimna ma ahan in uu injineer noqdo, ee waxaa kaliya ku filan inuu fahan buuxda ka haysto, iyo sida ay u anfacayaan.

Academy-deena waxaad ka baran kartaa xirfadaha qaar ee kuu suuragalinya inaad is-bedeladaas la jaanqaado, waxaadna ka helaysaa koorsooyino mustabalka dhaw ama fogba wax ka bedeli doona.