

Sanadihii la soo dhaafay, lacagta Bitcoin iyo lacagaha dijitaalka ah ee qarsoodiga ah ayaa si weyn u faafayay, dalal badan iyo shirkado caalami ah ayaa qaatay.
Maqaalkan, waxaan kaga hadli doonaa tignoolajiyada ka dambeysa lacagahaas, taas oo ah Blockchain, waxaan isku dayi doonaa inaan fahanno sababaha faafitaankooda iyo sida ay u shaqeeyaan.
Kahor intaynaan u guda galin mawduuca, waxaa muhiim ah in la fahmo sababta aan ugu baahanahay blockchain?
Bal qiyaas in uu jiro qof la yiraahdo Axmed oo ku nool falastiin, tusaale ahaan, doonaya in uu $100 u wareejiyo Cumar oo jooga Qaahira, Caadiahaanta Axmad waa inuu tagaa Bangi ku yaala falastiin oo uu lacagta ku shubo Akoonka Cumar, balse dhibka ka jira qaabkan ayaa ah in hadii uu rabo inuu xawilo $100 oo uu u baahan yahay inuu bixiyo lacag Khidmad ah (commission) si la mid ah sidaas oo kale ayaa Cumar ku dhici doonta marka uu lacagtaasi la baxayyo, waxaana laga yaabaa in howshaasi ay qaadato maalmo si uu Cumar u helo lacagtaas.
Dhibaatada qarsoodiga ah, sida qolo saddexaad oo dhexdhexaadinaysa Axmed iyo Cumar waxay awoodi doonaan inay arkaan macluumaadka shakhsi ahaaneed ee iyaga ku saabsiisan, taas oo aan shaqo ku lahayn habka wareejinta. Ka warran haddii ay jirto qaab lacag looga xawilo qof ama shirkad si ammaan ah oo aan loo baahnayn cid saddexaad si ay u soo bandhigto macluumaadka shakhsi ahaaneed iyo in aan loo baahnayn in la bixiyo khidmad (commission) iyo in lacagaha la kala helo markiiba, Tani waa waxa tignoolajiyada blockchain ay samaysay.
Sababta ugu weyn ee loo isticmaalo tignoolajiyada blockchain waa kalsoonida, qof kastaa meel fog buu wax ka iibsanayaa, waxna ku iibinayaa, baahida loo qabo xawilaadda lacagtu way badatay, dawlado iyo shirkado badan ayaa marka la eego dhibaatada Corona waxay bilaabeen inay adeegyadooda ku bixiyaan Internetka, sideen ku xaqiijinaa inaad tahay qofka aad sheeganeyso? Sideen ku xaqiijinaa inaad haysato rukhsadaha lagama maarmaanka ah si aad u sameyso waxa aad isku dayeyso inaad sameyso, ku kalsoonaanta aduunka casriga ah ma fududa, sababtoo ah ma arkeysid qofka aad la macaamilayso, markaa waxaan u baahanahay inaan cadeyno aqoonsiga iyo xaqiijinta ogolaanshaha. Tiknoolajiyada Blockchain waxay buuxin kartaa labadan shuruudood maadaama isticmaaluhu uu wadaagi doono oo keliya macluumaadka shakhsi ahaaneed ee lagama maarmaanka u ah inuu sameeyo macaamil ganacsi.
Waa tignoolajiyad saamaxaysa in xogta loo kala wareejisto si ammaan ah oo xafidisan, iyada oo aanay cid saddexaad soo dhexgelin. Kaliya waa taxane taxane ama rikoodho, mid kastaana ka kooban yahay shaambad wakhti ah iyo xidhiidhiye blocks hore, oo ay maamulaan koox kombuyuutaro ah oo aan cidina lahayn, blocks-yadan ayaa la ilaaliyaa oo lagu xidhaa algorithms sir ah. Shabakadda blockchain waa mid madax banaan oo aan hoos imanayn awood dhexe sababtoo ah asal ahaan waa diiwaan la wadaago oo aan la bedeli karin, xogta ku jirtana waxay diyaar u tahay qof kasta in uu arko, wax ku iibsigeeduna waa bilaash, mana laha wax khidmad ah.
Blockchain waa hab fudud oo lagu kala wareejinayo xogta qofka B laguna wareejinayo qof T si toos ah oo ammaan ah. Hal xisbi ayaa bilaabaya samynta blocks waxaana xaqiijinaya malaayiin kombuyuutaro oo loo qaybiyay shabakada. Kadibna block-yada la xaqiijiyay ayaa lagu daraa silsilad lagu keydiyay shabakadda, waxaana la sameeyaa rikoodh ku xiran diiwaanno kale.
Habka samaynta hal rikoodh: waa in dhammaan diiwaanada lagu been abuuraa malaayiin kombiyuutaro, taas oo ah mid aan macquul ahayn cilmi ahaan.
Farsamo ahaan, blockchain waa taxane xog ah oo blocks ah. blockchain waxa ay ka kooban yihiin xog dhijitaal ah, Marka block la dhammeeyo waxaa furmaya block cusub oo ku xiran kii ka horeeyay, waxaana lagu daraa taxanaha.
Block-yadu waa mid joogto ah, mar hadii la qoro marna lama baddali karo, wuxuuna guud ahaan ka kooban yahay laba qaybood:
Awoodda kaydinta hal block oo ah 1MB waxay la macno tahay in hal block uu diiwaangelin karo dhawr kun oo macaamil ganacsi, blockchain-kuna wuxuu ka koobnaan karaa malaayiin blocks.
Marka block lagu keydiyo xog cusub, waxaa lagu daraa blockchain, kaasoo sidaan horay u sheegnay, ka kooban dhowr blocks oo isku xiran. Si aan u faahfaahino waa in aan sheegnaa afar arrimood:
Marka block-kan cusub lagu daro blockchain, wuxuu noqonayaa mid diyaar ah, qof kastana wuu arki karaa.
Waxaan Rajeynayaa Inaad Hadda Ogaatay Waxa Ay Tahay Tignoolajiyada Blockchain Iyo Sida Ay U Shaqeyso, Hadii Wali Aadan Fahmin Ama Xogta Ay Kugu Yartahy Waad Nagu Waydiin Kartaa Qaybta Faallada Wixii Su’aal Ah, Si Aan Wax Kaaga sheegno Waxaad Tabayso.
Ma Ka Heshay Maqaalka? La Wadaag Asxaabtaada
Sii Daalaco: Lacagaha Adduunka Ugu Caansan Iyo Astaamahooda
2 Replies to “Waa Maxay Tignoolajiyada Blockchain? Sideese U Shaqeysaa?”
Wili ma fahmin ustaad
xagee ku jilcinaa wll ?