Sida Loo Wanaajiyo Qiimeynta SEO-ga Website-kaaga Ama Blog-kaaga

SEO oo laga soo gaabiyay Search Engine Optimization micnaheedu si guud waa wanaajinta website-ka, si waafaqsan shuruudaha search engine-nada (makiinadaha raadinta) si uu website-ku uga soo muuqdo kaalmaha hore ee natiijooyinka raadinta, ee Google, Bing, Yahoo, Yandex, Baidu iwm.

Haddii aad rabto inaad wanaajiso SEO-ga website-kaaga ama blog-kaaga, waa muhiim inaad barato xeeladaha iyo farsamooyinka ugu waxtarka badan.

Halkan waxaa ah qaar ka mid ah talaabooyinka muhiimka u ah wanaajinta SEO-ga.

1. Samee Daraasad Qoto Dheer Leh, Oo Ku Saabsan Eray-fureedyada (Keyword Research)

Eray-fureedyadu waa ereyda ay dadku badankood isticmaalaan, marka ay rabaan inay internet-ka si guud wax uga raadiyaan, si ay u helaan waxa ay raadinayeen.

Doorkaaguna ka SEO ahaan waa inaad ogaato ereyada ugu saamaynta badan, looguna raadinta badan yahay, ee la xidhiidha niche-ka aad wax ka qorayso, ama si guud aad uga hadlayso.

Halkan waxaa ah tabooyin aad raaci karto si aad u samayso daraasad kuu gaar ah:

• Adeegso aaladaha sameeya daraasaadka erey-fureedyada (keyword): Waxaa jira aalado badan oo sameeya daraasado iyo isbarbardhigyo ku saabsan erey-fureedyada, sida Google Keyword Planner, Semrush, iyo Ahrefs, kuwaas oo kaa caawinaya inaad ogaato ereyada  loogu raadinta badan yahay.
• Xulo ereyada leh tartan hoose, iyo raadin sare: Isticmaal ereyada uu tartankoodu hooseeyo, isla mar ahaantaana la raadiyo, si ay kuugu fududaato inaad durbadiiba ka soo muuqato kaalmaha hore ee najiitooyinka raadinta.

2. Samee Qoraallo Tayaysan oo Qanciya Akhristayaasha

Google iyo search engine-nada kale ee la midka ah waxay doorbidaan bogagga ama website-yada bixiya macluumaadyo iyo xogo tayo wanaagsan leh, oo ka jawaabaya su’aalaha ay dadku raadinayaan.

Tani waxay la micno tahy in hadii aad rabto inaad wanaajiso SEO-ga website-kaaga ama blog-kaaga, waa inaad diiradda saartaa sidii aad u soo saari lahyd xogo iyo qromooyin tayo sare leh, oo ugu yaraan daboolaya bahidii akhristaha.

3. Kor u Qaad Xawaaraha Website-kaaga

Google wuxuu qiimeeyaa website-yada leh xawaare sare, haddii website-kaagu uu si tartiib ah u luudayo, waxay taasi saamayn ku yeelan kartaa SEO-ga website-kaaga ama blog-kaaga.

Talooyin ku saabsan wanaajinta xawaaraha website-kaaga:

• Yaree cabbirka sawirrada: Isticmaal sawirro xajmi yar, ama adigu iskaa u yaree, ama la soo deg plugins-yada yareeya cabbirka sawirada.
• Kordhi awooda server-ka: Haddii website-kaaga uu leeyahay taraafik badan, (nacam ay soo booqdaan booqdayaal abadan) waxaa lama huraan ah inaad adeegsato server awood badan.

Hadii aad rabto inaad sii guda gashid barashada iyo wanaajinta SEO-ga website-kaaga ama blog-kaaga baro qaybahan kale:

• On-Page SEO
• Internal Linking
• External Linking
• Backlinking
• Mobile Optimization
• Meta Descriptions and Title Tags
• Local SEO

Gabagabo

Wanaajinta SEO-ga website-kaaga ama blog-kaaga waa geedi socod joogto ah, oo aan dhamaad lahayn,  oo u baahan in si xeeladaysan loo fuliyo talaabooyin badan oo kala duwan.

Markaad adeegsato farsamooyinka kor ku xusan, waxaad sare u qaadi kartaa qiimeynta SEO-ga website-kaaga, taas oo kuu keeni doonta booqdayaal badan, dhisi doonta kalsoonida booqdayaasha, kor u qaadi doonta adeegsiga website-kaaga.

Sidaa darteed, isku day inaad si joogto ah uga shaqeyso horumarinta SEO-ga ama blog-kaaga,, adigoo ilaalinaya tayada iyo waxtarka content-ga aad wax ka qorayso.