• Moha
• 1 Comment
• October 19, 2022

Wax Ka Ogow Metaverse? Iyo Waxa Loola Jeedo?

Erayga MetaVerse waxa uu noqday mid ka mid ah ereyada loogu hadal haynta badan yahay Internet-ka waayadan dambe, ka dib markii uu shaaciyay Mark Zuckerberg, oo ah aasaasaha shirkadda Facebook, magaca cusub ee uu ula baxay shirkadiisa, isagoo ka badalay magaca shirkadda Facebook oo uu u badalay Meta, oo Ka timid Metaverse, taasoo u akra in ay tahay mustaqbalka shirkadda.

Maqaalkan, waxaynu ku kala dhig doonaa (Haduu Eebe Idmo) waxa loola jeedo metaverse, iyo xidhiidh ka dhaxeeya Facebook.

Waa Maxay Erayga Metaverse? Maxaana Loola Jeedaa?

Qoraaga Neil Stephenson waxa uu ereyga Metaverse markii ugu horreysay ku soo daray sheeko ku saabsiisan cilmiga sayniska ee Snow Crash sannadkii 1992-kii, kaas oo caddaynaya in ereygu aanu xidhiidh toos ah la lahayn Facebook ama Shirkadda Meta, oo uu intaas ka da’ weyn yahay. ilaa sideetameeyadii, erayga Metaverse waxa uu ka soo muuqday riwaayado badan iyo filimaan khayaali ah oo saynis ah, sida Burning Chrome oo uu qoray qoraagii Maraykanka ahaa ee William Gibson iyo Ready Player One ee uu qoray Steven Spielberg.

Ilaa hadda ma jirto qeexitaan cad oo la hubo oo lagu macneeyay ereyga Metaverse, maadaama erayga “Metaverse” uu yahay wax aan hadda jirin,

Laakiin Meta, oo ah shirkadda Facebook, ayaa sheegtay in metaverse-ku yahay isku-dhafka khibradaha bulsheed ee laga heli karo internetka, taas oo laga yaabo in mararka qaarkood lagu heli karo habka 3D stereoscopic ama iyada oo loo marayo isdhexgalka xaqiiqda dhabta ah, iyada oo la tixraacayo ku tiirsanaanta tignoolajiyada dhabta ah ee VR iyo AR.

 “Waxaan rajeyneynaa in tobanka sano ee soo socda ay metaverse adeegsan doonto 1 bilyan oo qof, martigelin doonto boqolaal balaayiin doolar oo ganacsi dhijitaal ah, sidoo kale shaqo u abuurta malaayiin, hal abuurayaal iyo horumariyeyaal.”

Mark Zuckerberg, madaxa shirkadda Meta

Metaverse Ma Duni Macmal Ah Baa?

Metaverse waa xaqiiqo dhijitaal ah oo isku daraysa tignoolajiyada dhabta ah, lacagaha dhijitaalka ah iyo hantida dhijitaalka ah (NFTs), waxay u ogalaanaysaa isticmaaleyaasha inay si dhab ah ula falgalaan isku-darka tegnoolojiyadda dhijitaalka ah ee AR iyo dareenka waqtiga-dhabta ah.

Erayga “Metaverse” xidhiidh ma la leeyahay Meta ama Facebook?

Erayga Metaverse ma aha mid xidhiidh la leh Mark Zuckerberg iyo Meta oo ah shirkadda Facebook, dadka qaar ayaa laga yaabaa in ay u haystaan in Facebook uu masuul ka yahay horumarinta farsamadan, laakiin arrintu aad ayay uga wayn tahay, mana jirto shirkad keliya oo awood u leh inay hurmariyaan Metaverse, sida ay aaminsan yihiin dad badani.

Madaxa Apple Tim Cook, ayaa wax ka badan hal mar muujiyay sida uu ula dhacsan yahay iyo xiisaha uu u qabo tignoolajiyada dhabta ah ee AR, warbixino badana waxay muujinayaan in muraayadaha Apple la heli doono sanadaha soo socda, waana muraayado dhab ah oo la taaban karo oo loogu diyaargaroobayo wajiga furitaanka muraayadaha AR.

Microsoft waxa ay kordhisay soo ssaridda muraayadaha dhabta ah ee loo yaqaan HoloLens kuwaas oo qaar badan oo ka mid ah xarumaha ganacsiga, waxbarashada iyo caafimaadka ay hadda ku tiirsan yihiin, sida samaynta qalliinada, ama gacan ka geysiga samaynta qalliinnada fog-fog, maadaama cilmi-baarayaashu ay ku tiirsan yihiin iyaga.

Maxay Yihiin Shirkadaha Ugu Caansan Ee U Tartamaya Horumarinta Metaverse?

Waa kuwan shirkadaha ugu caansan ee u tartamaya hormarinta metaverse:

• • • Meta waxa ay qorshaynaysaa in ay maalgaliso 10bilyan oo doolar, ayna shaqaalayso kumanaan khabiiro ah si ay u horumariyaan Metaverse. Dadaalka shirkadu waxa ka mid ah in ay soo saarto AR, VR, iyo sidoo kale qalabyada la xidho isku xidha dunida dhabta iyo tan dhijitaalka ah.
    • Roblox waa goob matalaysa mustaqbalka metaverse, oo leh in ka badan 43milyan oo isticmaaleyaal firfircoon bishiiba kuwaas oo badankoodu yihiin carruur.
    • Apple In kasta oo aanay ku dhawaaqin qorshaheeda ku saabsiisan metaverses, haddana ma qarinayso sida weyn ee Tim Cook uu ula dhacsan yahay tignoolajiyada AR. Apple waxa la filayaa inay noqoto tartanka ugu wayn ee dunida Metaverse.
    • Microsoft ayaa mar hore ku dhawaaqday gelitaanka tartanka Metaverse, iyada oo ku dhawaaqday astaamo cusub oo loogu talagalay wacitaanka kooxaha Microsoft, si dadka isticmaala ay u doortaan jilaa muuqaal ah si ay u matalaan inta lagu jiro shirarka, iyadoo lagu daro awoodda samaynta goobo toosan oo dooda ah iyo wada shaqayn toos ah.

Sii Daalaco: Wax Ka Ogow Sida Ay U Shaqeeyaan Search Engine?

Sidoo Kale: 6 Side Husltes oo aad $1000 ka shaqeysan kartid