Sidee Ayaa Online Lacag Looga Sameeyaa

Hadii aad tahay qof si dhabba u raba inuu internet-ka lacag ka sameeyo, se aanan garanayn halkii uu ka bilaabi lahaa, ama goobihii uu lacagta ka samayn lahaa, qormadan waa qormadaadii.

Waxaa jira siyaabo badan oo kala duwan oo dadka u oggolaanaya inay internet-ka lacag ka sameeyaan, waxaana xusaynaa kuwooda ugu doorka fiican, una habboon qofka soomaaliga ah.

1. YouTube

Sida uu sawiran muujinayo, bishii hore ee 4-aad, waxaan youtube-kayga ka sameeyay ku dhawaad lacag dhan $800.

Lacag samaynta YouTube, waa mid ka mid ah hababka ugu caansan ee internet-ka lacag looga sameeyo, gaar ahaan gayigeena soomaaliyeed.

Lacag samaynta YouTube, ayaa dhowrkii sano ee u danbeeyay sii fidayay marba marka ka danbaysa.

Waxa kaliya ay tahay inaad samayso ayaa ah, inaad la timaado fikrad ama nich wax ku ool ah, soona bandhigdo fikradaa, ama nich-kaa, adigoo ka samaynaya muuqaalo kala duwan, oo dhamaantood hoos imanaya fikradda ama nich-ka guud.

2. E-commerce Business

Run ahaantii, ganacsiga e-commerce-ga ah wuxuu la mid yahay ganacsiga maxalliga ah oo kale, kaliya wuxuu kaga duwan yahay habka uu u dhacayo, habkaasoo gabi ahaantii ah mid online ah.

Ganacsigan e-commerce-ga, waa ganacsi run ahaantii leh faa’idooyin aad u waa-weyn, oo aan hal qormo lagu soo koobi karin.

3. Facebook Page

Facebook page, ayaa isna ka madhnaan karin liiskan, waana habka ugu caansan ee ay soomaalida internet-ka lacag uga samayso.

Facebook page, wuxuu la mid yahay YouTube-ka oo kale, waana inaad la timaadaa fikrad ama nich gaar ah, adigoo muuqaalo ka samaynaya nich-kaa.

4. Freelancing

Freelancing-ku waa habka ugu fudud ee internet-ka lacag looga sameeyo, adigoo kaliya ku shaqaysanaya xirfadihii aad baratay.

Freelancing-ku uma baahna inaad goob shaqo aad tagto, sidoo kalena uma baahna inaad muuqaalo duubto, kaliya adigoo gurigaaga jooga ku shaqayso xirfadahaaga.

Ganacsi kastaa maanta wuu u baahan yahay dhalinyaro freelancers ah, ganacsiyadayda maantana, waxaa igala shaqeeyo dhalinyaro freelancers ah, oo qaarkood soomaali ah.

xirfadaha aad baran karto waxaa ka mid ah:

• Web Design
• Video Editor
• Graphic Design
• Blogging
• iwm.

5. Consulting & Coaching

Consulting ama coaching ama si guud talo-bixinta, waa hab ka mid ah hababka internet-ka lacag looga sameeyo, inkast oo uu caan ka ahayn gayiga soomaaliyaad, hadana waa goob lacag laga sameeyo.

Consulting ama coaching waa adigoo ka talo bixiya wax aad khibrad iyo waayo-aragnimo dheeri ah aad u leedahay, adigoo faahfaahinaya dhibaatooyinkiisa, iyo wanaagyadiisaba.